Despregamento de produtos de software en contedores

FAMILIA PROFESIONAL

Informática e comunicacións

TÍTULO QUE SE OBTÉN

Certificación académica

SAÍDAS PROFESIONAIS

As persoas que obtivesen o título de Máster de Formación Profesional ou a certificación académica de asistencia con aproveitamento que acredita a superación deste curso de especialización poden exercer a súa actividade en todos os sectores económicos que desenvolvan actividades de desenvolvemento, instalación e mantemento de sistemas.

Desenvolven a súa actividade profesional dentro da área ou departamento de Tecnoloxías da Información (TI), en entidades de natureza pública ou privada, en empresas grandes, medianas e pequenas, tanto por conta propia como por conta allea, con independencia da súa forma xurídica.

Desenvolven a súa actividade dependendo, se é o caso, funcional e/ou xerarquicamente dunha persoa superior. Poden ter persoal ao seu cargo de maneira ocasional, por tempadas ou de forma estable. No desenvolvemento da actividade profesional aplícanse os principios de accesibilidade universal e de deseño para todas as persoas, de acordo coa normativa aplicable.

As ocupacións e os postos de traballo máis salientables son:

Técnicos e técnicas en solucións na nube.
Administradores e administradoras DevOps.
Desenvolvedores e desenvolvedoras DevOps.
Técnicos e técnicas en automatización de despregamentos.
Técnicos e técnicas en despregamento de contedores.
Técnicos e técnicas en integración e despregamento continuos.

Plan de estudos

IDIOMA

As linguas utilizadas para o ensino/aprendizaxe son o galego e o castelán. No caso de haber seccións bilingües autorizadas, eses módulos profesionais incorporarán tamén a lingua estranxeira establecida en ditas seccións bilingües.

Máis información

Ligazón ao Real Decreto 144/2026, de 25 de febreiro, polo que se establece o Curso de especialización de Formación Profesional de Grao Superior en Despregamento de produtos software en contedores e se fixan os aspectos básicos do currículo.