Esta semana informamos das seguintes axudas e subvencións que poden ser do voso interese:
Subvencións deportivas: Convocadas pola Secretaría Xeral para o Deporte para clubs deportivos, sociedades anónimas deportivas e seccións deportivas de Galicia que desenvolvan actividades deportivas.
Para poder beneficiarse destas axudas, as entidades deben estar inscritas no Rexistro de Entidades Deportivas de Galicia e poden presentar a súa solicitude por medios electrónicos segundo o procedemento PR945C, ata o 17 de marzo de 2021.
Consulta máis información destas subvención no DOG.
Plan de apoio e rescate de persoas traballadoras autónomas e microempresas afectadas pola COVID-19: Consta de dous programas convocados pola Consellería de Emprego e Igualdade:
- O Programa I de persoas traballadoras autónomas. Para ser beneficiarios da axuda, as solicitudes presentaranse por medios electrónicos consonte o procedemento TR500A.
- O Programa II de microempresas. Para concorrer a esta axuda, presentarán por medios electrónicos a súa solicitude consonte o procedemento TR500B.
O prazo de solicitudes remata o 18 de marzo de 2021. Podes consultar máis información no DOG.
Hostalería e actividades afectadas pola COVID-19: Consta de dous programas convocados pola Consellería de Emprego e Igualdade:
- O Programa I de apoio ao sector da hostalería (TR500C).
- O Programa II de apoio a outras actividades pechadas (TR500D).
O prazo de solicitudes remata o 23 de marzo de 2021. Podes consultar máis información no DOG, no teléfono 900 81 56 00 ou na páxina web da Oficina do Autónomo.