Esta semana queremos compartir con vós as seguintes novidades:

Coñecendo as nosas deportistas: un proxecto da Secretaría Xeral de Igualdade para coñecer a vida e opinións de mulleres de diferentes modalidades deportivas.

Mostra diferentes actividades, entrevistas en pequeno formato e vídeos coa participación destas mulleres deportistas. Pódense ver a través da canle de Youtube de Igualdade.

Ten por fin difundir e visualizar o papel das deportistas galegas entre a sociedade, en especial para a xuventude de Galicia para promocionar a igualdade entre homes e mulleres.

A Asociación cultural Olloboi volve a pór á vosa disposición diferentes recursos educativos en galego sobre o proceso cinematográfico:

Tamén poden servos útiles Educlip, a páxina de realizadores de Galicia CREA ou a do Novo Cinema Galego.

O Centro Reina Sofía sobre a Adolescencia e Xuventude publica «De puertas adentro y de pantallas afura. Jóvenes en confinamiento».

Este proxecto ten por obxectivo analizar os cambios que provocou a crise da COVID-19 e o confinamento entre a xuventude, tanto na súa actitude coma na súa forma de vida.