Os vindeiros xoves 1 e venres 2 de febreiro de 2024 teremos outra oportunidade de doar vida na unidade móbil da Axencia de Doazón de Órganos e Sangue (ADOS) que permanecerá perante o noso centro co seguinte horario:
- Xoves, 1 de febreiro: entre as 9:30 horas e as 14:30 horas, e de 15:30 horas a 21:00 horas
- Venres, 2 de febreiro: entre as 9:30 horas e as 14:30 horas
O sangue é un ben escaso e insubstituíble en moitos tratamentos e en moitas cirurxías polo que é tremendamente necesaria a nosa altruísta participación nas xornadas de doazón.
Tede en conta que para doarmos debemos ter máis de 18 anos de idade e pesar máis de 50 kg. Non nos levará máis de 10 minutos facer a doazón.
Como xa vén sendo costume, queremos premiar dende o centro a vosa xenerosidade sorteando entre o alumnado doador dous vales Amazon de 25 € cada un.
Aqueles e aquelas de vós que esteades interesados/as en participar, deberedes devolver en conserxería antes de que acabe o venres 2 de febreiro de 2024 un dos resgardos do número que vos entregarán por duplicado no mesmo intre da doazón. Só eses números devoltos entrarán no sorteo. Ademais, deberedes estar prestar atención a esta páxina web, pois a través dela publicaranse, antes do venres 9 de febreiro de 2024, os dous números gañadores. Unha vez publicados os número gañadores, disporedes de 15 días para recoller o vale.
ACTUALIZACIÓN: FINALMENTE RETRÁSASE A PUBLICACIÓN AO 16 DE FEBREIRO. PEDIMOS DESCULPAS POLO RETRASO. DESTE XEITO OS 15 DÍAS DE PRAZO PARA RECOLLER O VALE COMEZAN ESE DÍA.
Para evitar que os premios queden sen entregar, pregámosvos que soamente participedes no sorteo se tedes interese no agasallo e que teñades en conta os prazos propostos.
Lembrade que só podedes doar un dos dous días e non podedes facer xaxún. Lembrade tamén que se trata dun procedemento totalmente seguro.