O vindeiro xoves 9 de febreiro de 2023 teremos  outra oportunidade máis de doar vida na unidade móbil da Axencia de Doazón de Órganos e Sangue (ADOS) que ficará perante o noso cento de 9:30 horas a 14:30 horas e de 15:30 horas a 21:00 horas.

O sangue é un ben escaso e insubstituíble en moitos tratamentos e en moitas cirurxías polo que é tremendamente necesaria a nosa altruísta participación nas xornadas de doazón.

Tede en conta que para doarmos debemos ser maiores de idade e pesar máis de 50 kg. Non empregaremos máis de 10 minutos.

Como xa vén sendo costume, queremos premiar a vosa xenerosidade sorteando entre o alumnado doador dous vales Amazon de 20€ .

Os que esteades interesados en participar deberedes devolver en dirección e no prazo de 24 horas, un dos resgardos do número que vos entregarán por duplicado no mesmo intre da doazón. Só eses números devoltos entrarán no sorteo. Ademais, deberedes estar atentos a esta páxina web , pois a través dela publicaranse, antes do xoves 16, os dous números gañadores. Unha vez publicados disporedes de 15 días para recoller o vale.

Para evitar que os premios queden sen entregar, pregámosvos que só participedes (no sorteo, non na doazón) se tedes interese no agasallo e que esteades atentos aos prazos propostos .

Lembrade que para doar non se pode facer xaxún e que se trata dun procedemento totalmente seguro.