O día 16 de decembro de 13:00 a 15:00 e de 16:00 a 18:00 tivo lugar a 2ª xornada do obradoiro de creación audiovisual enmarcado dentro do contrato programa CPinclúe no que está a participar o noso centro. A este obradoiro asisten os grupos de 2º de DAW en horario de tarde e 2º de SMIR en horario de mañá.
Nesta sesión formouse aos estudantes no uso de software de captura e edición de vídeo cos programas de software libre OBS Studio e KDEnlive respectivamente. Esta formación capacitará aos estudantes para a elaboración de manuais e videotitoriais sobre ferramentas informáticas ademais de dotalos de ferramentas que favorezan a súa capacidade de creación de contidos dixitais así como de emisión de vídeos en directo ou streaming expandindo deste xeito as súas saídas laborais.
