CS GUÍA, INFORMACIÓN E ASISTENCIA TURÍSTICAS

FAMILIA PROFESIONAL

Hostalaría e turismo

TÍTULO QUE SE OBTÉN

Técnico superior en Guía, información e asistencia turísticas

SAÍDAS PROFESIONAIS

Este profesional exerce a súa actividade no sector turístico, entendido este no seu sentido máis amplo, o que inclúe calquera tipo de eventos, terminais de viaxeiros e empresas de transporte, ademais das áreas turísticas tradicionais, como destinos e puntos de información, entre outros. Ademais, está capacitado para a creación e a implantación de plans e actividades de desenvolvemento locais, en relación co mesmo sector.

Trátase de persoal traballador por conta allea ou por conta propia, incluíndo a posibilidade de ocupar postos na Administración ou en entes de características similares (consorcios, padroados, etc.).

As ocupacións e os postos de traballo máis salientables son os seguintes:

• Guía local.
• Guía acompañante.
• Guía en lugares onde se localicen bens de interese cultural.
• Informador/ora turístico/a.
• Xefe/a de oficinas de información.
• Promotor/ora turístico/a.
• Técnico/a de empresa de consultoría turística.
• Axente de desenvolvemento turístico local.
• Asistente en medios de transporte terrestre ou marítimo.
• Asistente en terminais (estacións, portos e aeroportos).
• Encargado/a de facturación en terminais de transporte.
• Asistente en feiras, congresos e convencións.
• Encargado/a de servizos en eventos.

Plan de estudos

IDIOMAS

As linguas utilizadas para o ensino/aprendizaxe son o galego e o castelán (agás os módulos específicos de linguas estranxeiras). No caso de haber seccións bilingües autorizadas, eses módulos profesionais incorporarán tamén a lingua estranxeira establecida en ditas seccións bilingües