Ciclos superiores

A Consellería de Cultura, Educación e Ordenación Universitaria convoca os premios extraordinarios de formación profesional para o alumnado que rematase os estudos de formación profesional de grao superior no curso 2010-2011. Poderanse conceder ata vintedous premios extraordinarios, un por cada familia de formación profesional de grao superior que se imparte en Galicia.

O alumnado que obteña o premio extraordinario, ademais dunha dotación económica dun máximo de 850€, recibirá un diploma acreditativo e farase constar o premio no seu expediente académico.

Para poder participar, o alumno deberá ter unha cualificación media de todos os módulos igual ou superior a 8,5 e presentar o formulario de inscrición no centro no que estudiou.

Convocadas as probas de acceso a ciclos formativos para o vindeiro curso.

A matrícula pódese facer nos institutos de educación secundaria onde se imparta algunha modalidade de formación profesional e nos centros integrados de formación profesional, agás o CIFP Rodolfo Ucha Piñeiro no que só se pode presentar a solicitude para as probas de acceso a ciclos medios.

Os prazos para a inscrición van dende o 23 de xaneiro ao 3 de febreiro para os ciclos superiores e dende o 27 de febreiro ao 9 de marzo para os ciclos medios.

Nos ficheiros que se achegan, pódense consultar os horarios dos exames de setembro para as probas libres de FP (dos ciclos que se extinguen Administración de Sistemas Informáticos e Xestión Administrativa) e para os exames de Bacharelato.

Na páxina web www.edu.xunta.es/fp publicáronse as listaxes de admitidos e admitidas na 2ª adxudicación de prazas a ciclos medios e superiores en réxime ordinario e de adultos.

Recórdase que as persoas que fosen admitidas deben realizar a matrícula no centro adxudicado ata as 13 horas do día 29 de xullo ou renunciar á mesma no mesmo prazo se quixese seguir optando ás prazas solicitadas de maior preferencia. A renuncia á praza adxudicada supón a renuncia a todas as opcións solicitadas detrás dela pero non ás de maior preferencia, ás que seguiría optando na próxima adxudicación de prazas.

Xa están determinados os prazos do procedemento de admisión do alumnado de ciclos formativos de formación profesional de graos medio e superior en réxime ordinario e para as persoas adultas para o curso académico 2011-2012.

Do 17 de xuño ao 4 de xullo ás 14 horas pódese facer a preinscrición.

O alumnado dos C.S. ASIR e DAI do réxime ordinario visitaron o pasado xoves 17 de marzo as instalacións do Centro de Proceso de Datos do Sergas en Santiago.

O alumno do C.S. de Administración de Sistemas Informáticos Yonatan Daniel Oyarzo, está entre os 34 gañadores das Eurobecas Caja Madrid 2011.

O proceso de selección, para estudiantes de ciclos formativos de toda España, incluiu probas de inglés tanto escritas como orais.

Os gañadores realizarán un programa de prácticas laborais de 7 semanas no Reino Unido ou Irlanda. Antes, o 15 de marzo, deberán acudir a Madrid ao acto de entrega dos diplomas acreditativos.