Convocatorias

A Consellería de Cultura, Educación e Ordenación Universitaria convoca os premios extraordinarios de formación profesional para o alumnado que rematase os estudos de formación profesional de grao superior no curso 2010-2011. Poderanse conceder ata vintedous premios extraordinarios, un por cada familia de formación profesional de grao superior que se imparte en Galicia.

O alumnado que obteña o premio extraordinario, ademais dunha dotación económica dun máximo de 850€, recibirá un diploma acreditativo e farase constar o premio no seu expediente académico.

Para poder participar, o alumno deberá ter unha cualificación media de todos os módulos igual ou superior a 8,5 e presentar o formulario de inscrición no centro no que estudiou.

Convocadas as probas de acceso a ciclos formativos para o vindeiro curso.

A matrícula pódese facer nos institutos de educación secundaria onde se imparta algunha modalidade de formación profesional e nos centros integrados de formación profesional, agás o CIFP Rodolfo Ucha Piñeiro no que só se pode presentar a solicitude para as probas de acceso a ciclos medios.

Os prazos para a inscrición van dende o 23 de xaneiro ao 3 de febreiro para os ciclos superiores e dende o 27 de febreiro ao 9 de marzo para os ciclos medios.

A Secretaría Xeral de Política Lingüística abriu a convocatoria das probas para obter os certificados acreditativos dos niveis de competencia en lingua galega, Celga 1, 2, 3, e 4. O prazo de inscrición para realizar as probas permanecerá aberto ata o próximo 3 de abril.
D.O.G. da convocatoria

Tamén está aberto o prazo para inscribirse nos cursos preparatorios para as probas CELGA, que son voluntarios e gratuítos. Estes cursos realizaranse entre os meses de febreiro e maio. O prazo de inscrición estará aberto ata o 30 de xaneiro.
http://www.xunta.es/linguagalega/formacion_celga

Por outra banda, a Secretaría Xeral de Política Lingüística ten á disposición da cidadanía no seu web www.xunta.es/linguagalega materiais para preparar os diferentes niveis do Celga mediante o sistema de autoaprendizaxe e distintos recursos complementarios. Entre estes materiais inclúense os manuais da colección Aula de Galego e diversos modelos de exames pertencentes ás convocatorias anteriores.
http://www.xunta.es/linguagalega/autoaprendizaxe

Toda a información relativa á lingua galega está sempre dispoñible no enderezo
www.xunta.es/linguagalega

A Secretaría Xeral de Política Lingüística organiza, un ano máis, un concurso no que se propón a elaboración dunha exposición arredor da obra, da vida e da época do autor homenaxeado no Día das Letras Galegas 2012, Valentín Paz Andrade.

Os grupos de traballo gañadores recibirán cadanseu premio en metálico por importe de 3.000 euros.

O prazo para a admisión de traballos remata o día 16 de xaneiro de 2012.

A Secretaría Xeral de Política Lingüística convoca a segunda edición do concurso de presentacións electrónicas de Nadal. O obxectivo da iniciativa é que as propostas fagan referencia a un tema vinculado con estas datas, para felicitar o Aninovo, o Día de Reis ou as festas de Nadal en xeral.

Os interesados en participar no proceso de selección para as prazas que permiten realizar a FCT no estranxeiro, deberán enviar a súa información utilizando o formulario que está dispoñible no blog de programas europeos.

Posteriormente contactaremos con eles para continuar o proceso e informarlles con máis detalle dos criterios de selección.

O Ministerio de Educación estendeu o prazo para solicitar bolsas para os estudios post-obrigatorios ata o 7 de outubro.

Na páxina http://www3.educacion.gob.es/campanias/becas2011.html pódense consultar todos os detalles sobre prazos, tipos de bolsas e requisitos dos solicitantes.