Probas de acceso a ciclos formativos 2010

Convocadas as probas de acceso a ciclos formativos para o vindeiro curso. Os prazos para a inscrición son os que se detallan a continuación, tendo en conta que no noso centro non será posible presentar as solicitudes para os ciclos de grao superior.

"A solicitude de inscrición para as probas de acceso aos ciclos formativos de grao medio presentarase por duplicado na secretaría de calquera dos institutos de educación secundaria ou centros integrados de formación profesional onde se impartan ciclos formativos de formación profesional, no prazo comprendido
entre os días 1 e 12 de marzo de 2010, ambos os dous incluídos, segundo o modelo do anexo I recollido na Orde do 2 de decembro de 2008, pola que se regulan as probas de acceso aos ciclos formativos de formación profesional do sistema educativo."

"A solicitude de inscrición para as probas de acceso aos ciclos formativos de grao superior presentarase por duplicado na secretaría de calquera dos institutos de educación secundaria ou centros integrados de formación profesional onde se impartan ensinanzas de ciclos formativos de formación profesional (agás o CIFP Rodolfo Ucha Piñeiro, de Ferrol), no prazo comprendido entre os días 18 e 29 de xaneiro de 2010, ambos os dous incluídos, segundo o modelo do anexo II recollido na Orde do 2 de decembro de 2008, pola que se regulan as probas de acceso aos ciclos formativos de formación profesional do sistema educativo."