Concurso "Biodiversidade galega"

O I.E.S. Terra de Trasancos en Narón, convoca un concurso dirixido a alumnos e alumnas de ESO, Bacharelatos e Ciclos que estean matriculados no presente curso en calquera centro de Galicia.

O concurso consistirá na elaboración dunha presentación informática na que se poderán incluír fotos, vídeos, música, etc... e que xirará sobre a riqueza natural de especies que queremos que perduren no futuro.

Para a valoración do traballo terase en conta o seu rigor científico, tratamento medioambiental, orixinalidade e aspectos tecnolóxicos e estéticos.

A entrega do traballo poderase facer na Secretaría do centro IES "TERRA DE TRASANCOS", por correo ordinario en formato CD ou DVD ou por correo electrónico, poñendo como asunto "III Concurso Ignacio López".